سن سیز ای شوخ منیم خوش گذرانیم یوخدور
سن کی یوخسان ائله بیل جیسمده جانیم یوخدور
عشق پروانه سی یم ، غم اودونا تابئم وار
خسته بولبول کیمی هر لحظه فغانیم یوخدور
بو یامان گونده منیم تکجه اؤمیدیم سن سن
سن سیز هئچ بیر کسه عالمده گمانیم یوخدور
صبر و آرامیمی الدن ، غم هجرانین آلیب
بیرده غم چکمه گه جیسمیمده توانیم یوخدور
حاضیرام جانیمی عشقینده فدا ائیله مه یه
قسم او جانینا بیر ذره یالانیم یوخدور
واحیدم آتش حسرت ، بورویوب دور و بریم
یانیرام حالیمه بیر قلبی یانانیم یوخدور
- تاریخ :دوشنبه 04 دی 1391
- ارسال نظر(0)