ناز ائیله کی من موشتریم نازه خانیم قیز
نازیندا ولی گوزله بیر اندازه خانیم قیز
سنسیز گول و گولزاره منیم یوخدی علاقم
گول ماه جمالوندی ترو تازه خانیم قیز
قاصید منه گر موژده ی دیداریوی وئرسه
روحوم گلر شوقیله پیشوازه خانیم قیز
گوساله پرست اولمازدی میلت موسا
باخسایدیلار سن تک بت طنازه خانیم قیز
گؤردوقجا جمالیندا اولان دانه خالی
کونلوم گلیری قوش کیمی پروازه خانیم قیز
گول یاناقلارینا گیزلینجه باخاندا
خوش منظره دور عاشیق جانبازه خانیم قیز
نظرات شما عزیزان: